المسجد الأقصى يا جماعة فى خطر أولى القبلتين وثالث الحرمين عارفين يعنى إه أولى القبلتين يعنى ده كان القبلة الاولى اللى كنا بتجه ليها فى الصلاة قبل ماتتحول القبلة للكعبة تخيل دلوقتى لو الكعبة اقتحمت من قبل الأمريكيين او اى عدو غاشم حيكون رد فعلك إه اكيد الدم حيفور ويغلى فى نفوخك فخلى بالك اللى بيقتحم اليوم من قبل اليهود هوه اللى كان قبلتك فى يوم من الأيام ،سمعاك حتقول وانا مالى بالله عليك اوعى تفكر فيها دى كلمة محرقة أوعى تكون على علاقة بيها لان العلاقة معها غير شرعية وفكر معايا بعقل لو كنت هناك ومش بس بتضرب كنت حتتمنى حد يسمعك يحس بيك يتفاعل معك كفاية صوت الضرب ده أنا كنت بسمع قناة الآقصى كنت حاسة انهم حيجوا يضربونى فمابالك باللى قاعد هناك طيارات وصواريخ وقنابل من كل جانب هبوا لنصرة المسجد الأقصى مش حقول لك روح امسك سلاح وروح اقتل لك كام يهودى وتعالى لاء تعالى معايا أقولك تعمل إه وانته قاعد فى بيتك بس الأول حسألك سؤال صليت الفجر كام مرة بعد رمضان؟صليت كام صلاة فى وقتها فى المسجد؟ هل قرأت قرآن بعد رمضان ان كنت مواظب على قراءة القرآن فيبقى لازم تكون النهاردة ختمت مرتين على الأقل ؟تقريبا انته دلوقتى بتقول عليا بهرج صح لاء والله مش بهرج هوه ده اللى الرسول قال عليه للصحابة عارف قال لهم إه بعد إحدى الغزوات قال لهم لقد عدتم من الجهاد الأصغر(جهاد الأعداء) إلى الجهاد الأكبر (جهاد النفس)فلو قدرت تجاهد نفسك بعد رمضان فى عباداتك يبقى انته نجحت فى الجهاد الأكبر وحتنج ان شاء الله فى الأصغر حاجة تانية وانته كده بتجاهد نفسك حاول تدعو غيرك وتعمل حاجة للمسجد الأقصى قاطع مثلا ادعى لهم فالدعاء سلاح المؤمن انشر قضيتهم عرف غيرك باللى بيحصل فى المسجد الأقصى
. 
عدد المساهمات
