يا سبحان الله
ظاهرة غريبة تفشت بين شبابنا كل يوم والتانى نسمع عن شاب انتحر
طيب والإنتحار بقى هو الحل ووصله لإيه
وياترى هو بيضحى بدخوله النار من أجل حل أزمةالشباب وعدم قدرتهم على العمل أو الزواج أو أو
ولا فاكرين إنهم بكدا بيضغطوا على الحكومة اللى هتتأثر بضحاياها . . بالعكس
دى هتقول كويس خلييهم يخفوا العدد شوية
صحيح فى مشكلة بين الشباب وصحيح ان الفراغ هو السبب فى اللى هما فيه
بس مش هو ده الحل...للأسف البعد عن الدين بقى ظاهرة
وعدم سعى الشباب وعدم رضاهم بأى فرصة عمل ولو كانت بسيطة
كل واحد عاوز يشتغل بشهادته وعاوز دخل كويس وإلا فالجلوس فى البيت وياخد مصروفه من الوالد
فهم لا يرضوا بالكفاف فإن المقصود بالرزق "ما أغنى وكفى لا ما كثر وأشقى"
هناك شباب خريجى هندسة وبيشتغلوا مندوبين مبيعات وفى منهم بيبيعوا شرابات وبيلفوا طول اليوم فى الشوارع
سعيا وراء لقمة العيش
لا يأسوا ولا قنطوا من حمة الله ولاتركوا أنفسهم للشيطان يتحكم بهم ويسود الدنيا فى عيونهم
يعنى بكدا يكونوا خسروا دنيا وآخرة
أنا عارفة ان الدنيا بقت صعبة والحال بقى لا يعلمه إلا الله
بس سابوا إيه لمن يتحمل أعباء ويكفل أسر منهم اللى بيدرس ومحتاج مصاريف
ومنهم اللى بيتعالج ومش لاقى تكاليف العلاج ومنهم اللى مش قادر يوفر لقمة العيش لأبنائه
الحل . . فى اللجوء إلى الله والتضرع إليه وتجديد التوبة
وفى البعد عن المعاصى فالذنوب تزيل النعم وتميت القلوب وتورث الذل
الحل . . فى تقوى الله فالله ييسر أمور عباده الصالحين
والتقوى مجلبة للرزق وتركها مجلبة للفقر و إن العبد يحرم الرزق بالذنب يصيبه
"وَمَن يَتَّقِ اللَّهَ يَجْعَل لَّهُ مَخْرَجاً (2) وَيَرْزُقْهُ مِنْ حَيْثُ لَا يَحْتَسِبُ"
"وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْراً"
. 
عدد المساهمات
